Ekanamist Lvoŭski raskazaŭ, čamu z aptymizmam hladzić na budučyniu śvietu
Jość dva važnyja pakazčyki.
Leŭ Lvoŭski. Skrynšot: chasiki_ / YouTube
Ekanamist Leŭ Lvoŭski raskazaŭ, čamu jon z aptymizmam hladzić na budučyniu śvietu. Jon prapanuje pahladzieć na suśvietny hrafik VUP na dušu nasielnictva z 1800 hoda i na hrafik kolkaści ludziej na Ziamli.
«U nas nikoli na Ziamli nie žyło tak šmat ludziej adnačasova. Pry hetym u nas nie było tak mała žabrakoŭ. Ludzi nie žyli tak bahata. Ludzi nie žyli tak doŭha», — adznačaje Lvoŭski ŭ jutub-prahramie «Hadzińničak cikaje».
Ekanamist kaža, što raskazy pra toje, što tolki miljard ludziej moža žyć na Ziamli dobra, niepraŭdzivyja.
«U nas ludzi žyvuć lepš. U nas śmiarotnaść ad usich chvarob źmianšajecca».
Paśla 1800 hoda «my jak čałaviectva raściom jak na draždžach», — zaŭvažaje Lvoŭski. Navat z ulikam Druhoj suśvietnaj vajny, kolkaści achviaraŭ i razbureńniaŭ, ekanomika paśla jaje imkliva raście.
«My žyviom tolki lepš, tolki bahaciej. Heta daje šmat aptymizmu».