U Minsku z pałajučaj kvatery na siomym paviersie ratavalniki vyciahnuli dziaŭčynu z chłopcam
Minułaj nočču ŭ Minsku adbyŭsia pažar u dziesiacipaviarchovym domie pa vulicy Łosika. Pažarnyja pa aŭtaleśvicy vyratavali dvuch maładych ludziej, jakija apynulisia ŭ pastcy ahniu.
Kali bryhady MNS prybyli na miesca, z akna kvatery na siomym paviersie ŭžo išło adkrytaje połymia, a na bałkonie stajali i prasili ab dapamozie dziaŭčyna i chłopiec.
Ratavalniki padniali aŭtaleśvicu i źniali z bałkona studentku i maładoha čałavieka. Abaich špitalizavali.
Dla likvidacyi pažaru zadziejničali dzieviać adzinak techniki MNS. Inšych žylcoŭ doma evakujavać nie spatrebiłasia.