Adzin biełaruski rubiel pradajuć na aŭkcyjonie za $78. Čamu tak doraha?
Čarhovy niezvyčajny łot ź Biełarusi na Ebay. Vydańnie MYFIN zaŭvažyła, što sotniu kapieječnych maniet sprabujuć pradać za $78. Pryčym hety ž pradaviec vystaviŭ anałahičny łot i za $689,99.
Kali chočacie kupić tolki adnu kapiejku, budźcie hatovyja zapłacić kala $2
Pradaviec znachodzicca ŭ ZŠA, abiacaje dastaŭku za 2—3 dni (jana budzie kaštavać dadatkova $5).
Čamu za biełaruskija kapiejki chočuć stolki hrošaj?
Pa kamientar vydańnie źviarnułasia da numizmata — voś što adkazaŭ Siarhiej Kołbun:
— U hetym łocie niama ničoha ekskluziŭnaha: ni braku, ni śpiecyjalnaj sieryi. Heta zvyčajnyja maniety. Pryvablivaje tolki toje, što jany nie byli va ŭžytku, a taksama toje, što ich adrazu sto štuk. Chutčej za ŭsio, pradaviec raźličvaje albo na zamiežnikaŭ, jakija nikoli nie bačyli našych kapiejek, albo na pierakupnikaŭ, jakija potym buduć pradavać ich daražej paštučna. Ukazany adras adpraŭki — USA. Mahčyma, vysokaja cana praz toje, što hetyja maniety vielmi daloka ad krainy abaračeńnia. Ale niahledziačy na ŭsio heta, dumaju, cana na hety łot niepamierna zavyšanaja.