U čarzie na vyjezd ź Biełarusi ŭ Polšču sabrałasia 2000 aŭtamabilaŭ

Na punkcie propusku «Brest», jaki na siońniašni dzień źjaŭlajecca adzinym dziejnym pamiž Biełaruśsiu i Polščaj, utvaryłasia vializnaja čarha ź dźviuch tysiač lehkavych aŭtamabilaŭ i kala sotni aŭtobusaŭ.

Fota ilustracyjnaje

Pavodle źviestak Dziaržaŭnaha pamiežnaha kamiteta, pa stanie na 20:00 1 listapada na pierachodzie «Brest» čakali 2000 lehkavych aŭtamabilaŭ i 95 aŭtobusaŭ, a na «Kazłovičach», praź jakija prapuskajuć hruzavy transpart, — bolš za 2605 hruzavikoŭ.

Kiroŭcy ŭ adpaviednych čatach paviedamlajuć, što ŭ čarzie paśla rehistracyi ŭ elektronnaj sistemie davodzicca čakać da dvuch dzion, a sam prajezd praź miažu zajmaje kala 6‑7 hadzin.

Na ŭjezd u Biełaruś z Polščy taksama źbirajucca čerhi daŭžynioj kala 2,5 kiłamietra, čakańnie tam raściahvajecca da 14 hadzin.

Na miažy z Łatvijaj lehkavych aŭto i aŭtobusaŭ niama, ale sabrałasia 650 fur.

Dadatkovyja prablemy na miažy ź Jeŭrasajuzam uźnikli paśla zakryćcia dvuch punktaŭ propusku Litvoj praz kantralavanyja biełaruskimi ŭładami zaloty mieterazondaŭ z kantrabandaj.

Kamientary da artykuła