Paśla vybuchu na «Biełaruśkalii» śpiecyjalisty pravieryli stan pavietra ŭ rehijonie
Paśla incydentu, jaki adbyŭsia 31 kastryčnika na pramysłovaj placoŭcy čaćviortaha rudaŭpraŭleńnia «Biełaruśkalija», śpiecyjalisty sanitarna-epidemijałahičnaj słužby praviali pravierku jakaści pavietra.
Fota ilustracyjnaje
Jak paviedamili ŭ Ministerstvie achovy zdaroŭja, probu pavietra brali i analizavali ŭ Salihorsku i nasielenych punktach Lubanskaha rajona. Daśledavańni pakazali, što ŭtrymańnie paroŭ salanaj kisłaty nie pieravyšaje dapuščalnych normaŭ.
Raniej paviedamlałasia, što ŭ vyniku vybuchu pustoj jomistaści z-pad salanaj kisłaty paciarpieli čatyry čałavieki. Paciarpiełych z roznaj stupieńniu apiokaŭ i traŭmaŭ pieravieźli ŭ Minsk — u Respublikanski apiokavy centr i niejrareanimacyju balnicy chutkaj dapamohi. Im akazvajecca ŭsia nieabchodnaja miedycynskaja dapamoha, stan paciarpiełych stabilna ciažki.
Śledčy kamitet Salihorskaha rajona raspačaŭ kryminalnuju spravu pa fakcie parušeńnia pravił biaśpieki pracy, što pryviało da traŭmavańnia ludziej.
Čytajcie taksama:
Paciarpiełych pry nadzvyčajnym zdareńni na «Biełaruśkalii» pieravieźli ŭ Minsk
Nadzvyčajnaje zdareńnie na «Biełaruśkalii»: čatyry čałavieki z apiokami ŭ balnicy