Paciarpiełych pry nadzvyčajnym zdareńni na «Biełaruśkalii» pieravieźli ŭ Minsk
Čatyroch supracoŭnikaŭ «Biełaruśkalija», paciarpiełych pry razryvie jomistaści z-pad salanaj kisłaty, pieravieźli ŭ piatnicu z Salihorskaj CRB u haradskuju kliničnuju balnicu chutkaj miedycynskaj dapamohi Minska i Respublikanski apiokavy centr.
Paciarpiełyja — maładaja žančyna i troje mužčyn. Dvum pacyjentam praviali apieracyi da pieravozki ŭ Minsk, paviedamlaje Minzdaroŭja.
U piatnicu na 4‑m rudaŭpraŭleńni «Biełaruśkalija» adbyŭsia razryŭ pustoj jomistaści z-pad salanaj kisłaty. Była paškodžana susiedniaja jomistaść z salanaj kisłatoj, adbyłasia ŭciečka.
U 19:48 nastupstvy zdareńnia byli łakalizavanyja. Kisłatu pierakačvali ŭ čyhunačnuju cysternu.