Tramp rychtuje ŭdary pa aeradromach i partach Vieniesueły
Administracyja prezidenta Donalda Trampa maje namier uzmacnić cisk na kiraŭnika Vieniesueły Nikałasa Madura, jakoha Vašynhton abvinavačvaje ŭ arhanizacyi narkatrafiku ŭ ZŠA.
Fota: Chip Somodevilla / Getty Images
Jak paviedamili daśviedčanyja amierykanskija čynoŭniki The Wall Street Journal, Bieły dom dla hetaha rychtuje pavietranyja ŭdary pa šerahu celaŭ u Vieniesuele, uklučajučy abjekty, «što znachodziacca ŭ zonie ŭpłyvu narkakartelaŭ i režymu Madura».
Jak raspavioŭ adzin z čynoŭnikaŭ, havorka, u pryvatnaści, idzie pra vieniesuelskija vajenna-marskija bazy i aeradromy, uklučajučy ŭźlotna-pasadačnyja pałosy, jakija, jak miarkujecca, vykarystoŭvajucca dla niezakonnaha abarotu narkotykaŭ.
Pavodle słoŭ surazmoŭcaŭ, Tramp, jaki anansavaŭ udary pa naziemnych celach u Vieniesuele tydzień tamu, pakul nie pryniaŭ kančatkovaha rašeńnia ab takich atakach, adnak celi ŭžo vyznačanyja.