Były stačkamaviec z Salihorska zahinuŭ na vajnie z Ukrainaj
Na vajnie va Ukrainie vajavaŭ jak rasijski najmit i zahinuŭ člen stačkama «Biełaruśkalija». U 2020‑m jon padviarhaŭsia pieraśledu.
U śpisie zahinułych najmitaŭ rasijskaj armii kanał «Vitiebsk, ja hulaju!» zaŭvažyŭ imia Dźmitryja Ivanaviča Sidarčuka, 1980 hoda naradžeńnia.
Jaho proźvišča, imia i imia pa baćku, data naradžeńnia supadajuć ź piersanalnymi danymi byłoha rabotnika salihorskaha kambinata.
U kastryčniku 2020‑ha Sidarčuk dałučyŭsia da stačkama, u listapadzie 2020‑ha zatrymlivaŭsia i byŭ aštrafavany pa spravie ab ekskursii (hrupa pracaŭnikoŭ pajechała na ekskursiju ŭ Kosava, ich zatrymali i sudzili).
Pavodle źviestak ukrainskaha prajekta «Choču žiť», Sidarčuk zahinuŭ 26 maja 2025 hoda.