Chutkasnuju čyhunku ŭ aeraport Minsk pačali budavać. Voś foty ź miesca rabot
Niekalki tydniaŭ tamu stała viadoma, što budzie čyhunka ŭ Nacyjanalny aeraport.
Na sajcie dziaržaŭnych zakupak źjavilisia pieršyja tendary na vykanańnie padrychtoŭčych rabot dla budaŭnictva. Pieršy tendar — vysiečka i pierasadka dreŭ i chmyźniakoŭ, druhi — vynas sietak hazazabieśpiačeńnia. Hetyja raboty płanavali pačać užo ŭ hetym hodzie: vysiečku dreŭ treba pravieści da kanca listapada 2025-ha.
Błohier i krajaznaŭca Dzianis Blišč zaŭvažyŭ, što raboty ŭžo iduć.
Jon piša: «Padajecca, pačałosia budaŭnictva čyhunki ŭ aeraport. Ziemlanyja raboty ŭžo viaducca ŭ rajonie pasiołka Haradzišča i sadovaha tavarystva «Vieteran Vajny». Miescami tolki vysiečany drevy, a miescami ŭžo ŭźniaty nasyp pad dadatkovy puć. Dzie-nidzie tut linija pavinna adhalinavacca ad asnoŭnaha chodu Minsk — Orša, niejkaja adlehłaść iści paralelna jamu, a paśla paviarnuć na aeraport i prajści ŭzdoŭž trasy M2».
Prahnazujecca, što čyhunka projdzie pa isnujučym maršrucie ad stancyi Minsk-Pasažyrski praz Kałodziščy da stancyi Haradzišča, paśla jakoj u bok aeraporta dabudujuć 18 km novych čyhunkavych puciej. Praciahłaść maršrutu składzie 41,8 km, aryjencirovačny čas u šlachu ad kanca da kanca — 28‑30 chvilin.