U Minsku zdajuć prystojnuju adnušku za 220 rubloŭ u miesiac, ale jość adna ŭmova
Uładalniki kvatery vystavili adnu ŭmovu, jakaja istotna źnizić kolkaść patencyjalnych arandataraŭ.
Žyllo znachodzicca ŭ domie pa adrasie vuł. Kalcova, 38 na trecim paviersie. Ahulnaja płošča — 37 m², žyłaja — 18 m², piša «Minskaja praŭda».
Niahledziačy na ścipłuju płošču, kvatera dobra ŭładkavana. U žyłym pakoi jość kanapa, dvuchspalny łožak, časopisny stolik i stoł bolšy dla dźviuch pierson. U kuchni majecca nieabchodnaja bytavaja technika. Sanvuzieł sumieščany z pralnaj mašynaj i suškaj dla ručnikoŭ.
Za miesiac arendy haspadary prosiać 220 rubloŭ (prykładna 74 dalary), ale z važnym niuansam. Uładalniki zdaduć kvateru tolki adnoj aktyŭnaj, enierhičnaj žančynie ad 50 hadoŭ, hramadziancy Biełarusi.
Asnoŭnaj umovaj zdymu źjaŭlajecca pieryjadyčnaja dapamoha pa viadzieńni chatniaj haspadarki ŭ pažyłoha mužčyny, jaki pražyvaje ŭ susiednim domie.