USU paškodzili dambu pad Biełharadam
Atakavać płacinu vadaschovišča ŭkrainskija vajskoŭcy pačali ŭ piatnicu.
Kamandujučy siłami bieśpiłotnych sistem Ukrainy Robiert «Madźjar» Broŭdzi paćvierdziŭ, što ŭkraincy nanieśli ŭdar pa płacinie Biełharodskaha vadaschovišča.
Uzrovień vady tam upaŭ na 100 sm.
25 kastryčnika hubiernatar Biełharodskaj vobłaści Viačasłaŭ Hładkoŭ kazaŭ, što płacina paškodžana ŭ vyniku ŭdaru USU.
U vypadku razbureńnia płaciny, pa słovach Hładkova, budzie pahroza padtapleńnia pojmy raki z boku Charkaŭskaj vobłaści i niekalkich vulic nasielenych punktaŭ Biełharadskaj vobłaści, na jakich pražyvaje kala tysiačy žycharoŭ. Rasijskija miascovyja ŭłady pačali prapanoŭvać vyjezd u punkty časovaha raźmiaščeńnia častki žycharoŭ horada Šabiekina i pasiołka Biaźludaŭka.
Atakavać płacinu vadaschovišča ŭkrainskija vajskoŭcy pačali ŭ piatnicu. Vykarystoŭvalisia amierykanskija rakiety GMLRS.
Na ranicu niadzieli vada ŭ vadaschoviščy adstupiła ad bieraha bolš, čym na mietr, pisali miascovyja pabliki. U siale Hrafoŭka Šabiekinskaj akruhi vada zatapiła blindažy, u jakich znachodzilisia vajskoŭcy.
U niadzielu dambu znoŭ abstrelvali — ź sistem HIMARS, pisaŭ kanał «Piepieł Biełhorod».