Nazvanyja imiony siami piśmieńnikaŭ, čyje skulptury pastaviać kala Nacyjanalnaj biblijateki
U 2026 hodzie ŭ stalicy ŭpryhožać Park piśmieńnikaŭ. Z takoj idejaj vystupili ŭdzielniki prajekta «Minskaja źmiena — 2025», pišuć «Minsk-Naviny».
Prajekt praduhledžvaje stvareńnie Alei narodnych paetaŭ, terytoryi narodnych piśmieńnikaŭ, u jakich buduć raźmiaščacca skulpturnyja kampazicyi, jakija ŭvasablajuć vobrazy ich znakavych tvoraŭ.
Śpis narodnych paetaŭ i piśmieńnikaŭ užo prapanavaŭ Sajuz piśmieńnikaŭ Biełarusi. Siarod pieršych — Janka Kupała, Jakub Kołas, Piatruś Broŭka, Arkadź Kulašoŭ, Maksim Tank, Pimien Pančanka i Uładzimir Karyzna.
Dapamohu moładzi choča akazać Biełaruski sajuz mastakoŭ. Nie vyklučana, što budzie abjaŭleny tvorčy konkurs pa stvareńni skulpturnych kampazicyj.
Taksama ŭ kancepcyi zakładziena nabiarežnaja sučasnych litarataraŭ sa skulpturami, častku jakich prapanujuć raźmiaścić na vadzie. A centram parka stanie łandšaftny teatr na 800 miescaŭ.