U Dziaržynskim rajonie maršrutka z pasažyrami źjechała ŭ kiuviet
Adzin čałaviek špitalizavany.
U Dziaržynskim rajonie 26 kastryčnika kala 08:30 adbyłosia darožna-transpartnaje zdareńnie z udziełam maršrutnaha taksi.
Pavodle papiaredniaj infarmacyi, 45‑hadovy kiroŭca aŭtobusa Mercedes Benz Sprinter, jaki ruchaŭsia pa maršrucie Ivanava — Minsk, adciahnuŭsia na lusterka zadniaha vidu. U vyniku jon źjechaŭ na pravuju abočynu, najechaŭ na darožny znak, paśla čaho źjechaŭ u kiuviet.
Na momant DTZ u maršrutcy znachodziłasia 13 pasažyraŭ. Piać čałaviek byli dastaŭlenyja ŭ balnicu dla abśledavańnia. U vyniku adzin pasažyr byŭ špitalizavany, a čaćviora adpuščanyja paśla akazańnia miedycynskaj dapamohi.