«Haryzont» pačynaje sieryjnuju vytvorčaść biełaruskich płanšetaŭ
Prodaž užo ŭ śniežni.
Ilustracyjnaje fota
«Haryzont» zapuścić sieryjnuju vytvorčaść biełaruskich płanšetaŭ u listapadzie, masavyja prodažy — u śniežni. Pra heta ŭ intervju BiełTA raskazaŭ hienieralny dyrektar «Haryzonta» Juryj Pradko.
Pra zapusk vytvorčaści biełaruskich płanšetaŭ stała viadoma ŭ lipieni hetaha hoda. Heta buduć 10‑calovyja płanšety ŭ roznych kalarovych rašeńniach — załatyja, siarebranyja, hrafitavyja. Płanšety buduć na bazie Android.
«Sieryjnaja vytvorčaść biełaruskich płanšetaŭ startuje ŭ listapadzie, a masavyja pastaŭki ŭ kramy płanujucca ŭ śniežni, da navahodnich śviat. Takim čynam, zapuskajucca sučasnyja vysokatechnałahičnyja linii, jakija zabiaśpiečvajuć jakaść i stabilnaść pradukcyi, što vypuskajecca», — adznačyŭ Juryj Pradko.
Pavodle jaho słoŭ, užo zakuplena abstalavańnie i ŭ chutkim časie buduć zapuščany techpracesy.