U Dublinie druhi dzień prachodziać pratesty suprać mihrantaŭ
Aryštavanyja ŭžo jak minimum 23 čałavieki, paviedamlaje Euronews.
Pratesty ŭ Dublinie. Skrynšot ź videa: Channel4 / YouTube
Pa infarmacyi ad palicyi, u sieradu ŭviečary ŭdzielniki pratestaŭ kidali butelki i cehłu, a taksama zapuskali fajery ŭ palicejskich.
Dvoje palicejskich dastavili ŭ balnicu: adzin atrymaŭ udar butelkaj pa hałavie, druhi — traŭmu ruki i plača.
Prčynaj dla antymihracyjnych pratestaŭ staŭ vypadak sieksualizavanaha hvałtu ŭ dačynieńni da 10‑hadovaj dziaŭčynki. U im abvinavacili 26‑hadovaha mihranta, jaki čakaje prytułak.
Hvałt u dačynieńni da dziaŭčynki adbyŭsia kala dublinskaha hatelu CityWest — u im žyvuć ludzi, jakija čakajuć prytułak. Hety rajon staŭ taksama centram pratestaŭ.