Kolkaść achviar u vyniku vybuchu na zavodzie ŭ Čalabinskaj vobłaści vyrasła da dzieviaci
Kolkaść achviar u vyniku vybuchu na zavodzie ŭ Kapiejsku vyrasła da dzieviaci, piać čałaviek paranienyja, paviedamiŭ u svaim telehram-kanale hubiernatar Čalabinskaj vobłaści Alaksiej Tekśler.
«Na miescy pažaru likvidavana adkrytaje hareńnie, ažyćciaŭlajecca praliŭka. Adrazu paśla hetaha vyratavalniki prystupiać da razboru zavałaŭ. Na miesca buduć nakiravany adpaviednyja siły i srodki», — napisaŭ jon.
Učora viečaram paviedamlałasia, što ŭkrainskija drony atakavali zavod «Płastmas» u Kapiejku Čalabinskaj vobłaści za 2000 kiłamietraŭ ad miažy z Ukrainaj.
Heta pradpryjemstva śpiecyjalizujecca na vytvorčaści zbroi i bojeprypasaŭ. Praŭda, miascovyja ŭłady admaŭlajuć, što heta byŭ prylot bieśpiłotnikaŭ.