Vybuch adbyŭsia na abaronnym zavodzie ŭ Čalabinskaj vobłaści. Jość achviary
udakładniena
Hučnyja vybuchi byli čutnyja ŭ Čalabinskaj vobłaści, što znachodzicca amal za 2000 km ad miažy z Ukrainaj. Havorka pra zavod «Płastmas» u Kapiejsku, jakija vyrablaje vybuchovyja rečyvy i bojeprypasy.
Rasijski Čalabinsk, raźmieščany na Urale, byŭ atakavany bieśpiłotnikami.
Pavodle źviestak vidavočcaŭ, adzin z vybuchaŭ adbyŭsia ŭ pryharadzie Čalabinska, u rajonie zavoda «Płastmas» u Kapiejsku. Heta pradpryjemstva śpiecyjalizujecca na vytvorčaści zbroi i bojeprypasaŭ.
Hubiernatar Čalabinskaj vobłaści Alaksiej Tekśler paćvierdziŭ fakt vybuchu «na adnym z pradpryjemstvaŭ horada Kapiejska».
Jość achviary. «Pavodle papiaredniaj infarmacyi ad pradpryjemstva, u vyniku vybuchu zahinuła čatyry čałavieki, jašče niekalki paciarpieła», — napisaŭ Tekśler.
Ale viersiju prylotu BPŁA jon nie paćvierdziŭ.