Padčas rasijskaj načnoj ataki va Ukrainie zahinuli 6 čałaviek. Siarod ich było niemaŭla
Rasija ŭdaryła adrazu pa niekalkich abłaściach Ukrainy.
«Pad udarami byli zvyčajnyja harady, u asnoŭnym naša enierhietyka, ale jość šmat traplańniaŭ i ŭ žyłyja damy. Pažary ŭ Zaparožžy, traplańnie ŭ damy ŭ Kijevie. Paciarpieli Kijeŭskaja, Adeskaja, Čarnihaŭskaja, Dnieprapiatroŭskaja, Kiravahradskaja, Pałtaŭskaja, Vińnickaja, Zaparožskaja, Čarkaskaja i Sumskaja vobłaści. Pa stanie na ciapier viadoma pra 17 paciarpiełych ludziej. Šeść čałaviek, ź ich dvoje dziaciej, na žal, zahinuli», — paviedamiŭ Uładzimir Zialenski.
U Kijeŭskaj vobłaści, u siale Pohraby Brovarskaj rajona, zahinuła siamja — 38‑hadovaja žančyna, šaścimiesiačnaje niemaŭla i dvanaccacihadovaja dziaŭčynka.
«Ich cieły znojdzienyja na miescy pažaru pryvatnaha doma», — paviedamiŭ kiraŭnik vobłaści Mikałaj Kałašnik.