Rabočaha ź Mikaševičaŭ asudzili pa čatyroch palityčnych artykułach i nazvali «terarystam»
Sprava, padobna, u publikacyjach Ihara Kałujeva ŭ internecie.
Ihar Kałujeŭ. Fota ź jahonaj staronki ŭ «Adnakłaśnikach»
Iharu Kałujevu 51 hod. Jon ź Mikaševičaŭ. Miarkujučy pa sacsietkach, mužčyna pracavaŭ na roznych rabočych śpiecyjalnaściach u rodnym horadzie.
Ihar lubić žyvioł — u sacsietkach jon rehularna repościŭ abjavy pra toje, jak im dapamahčy. Taksama jon repościŭ naviny z hramadska-palityčnych pablikaŭ.
Ihara Kałujeva zatrymali ŭ listapadzie 2024 hoda. Jaho asudzili ŭ Bresckim haradskim sudzie pa čatyroch artykułach — «uvachodžańnie ŭ skład ekstremisckaha farmiravańnia» (č. 3 art. 361‑1 KK), «zakliki da sankcyj ci inšych dziejańniaŭ, nakiravanych na pryčynieńnie škody Biełarusi» (č. 3 art. 361 KK), «abraza pradstaŭnika ŭłady» (art. 369 KK) i «abraza Łukašenki» (č. 1 art. 368 KK).
Sutnaść abvinavačańniaŭ nieviadomaja, ale amal napeŭna źviazanaja ź jahonaj aktyŭnaściu ŭ sacsietkach. Dakładny prysud Iharu taksama nieviadomy, ale źviazany z pazbaŭleńniem voli. Mužčynie pahražała da piaci hadoŭ kałonii.
A niadaŭna Kałujeva dadali ŭ śpisy «ekstremistaŭ» i «terarystaŭ», jakija viaduć MUS i KDB adpaviedna.
Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
65‑hadovaj piensijaniercy ź Minska prysudzili čatyry hady za kamientary ŭ internecie