U Minsku adkryłasia handlovaje pradstaŭnictva Livii
Handlovaje pradstaŭnictva Livii pačało pracu ŭ Minsku 21 kastryčnika. Va ŭračystaj cyrymonii adkryćcia ŭziali ŭdzieł namieśnik premjer-ministra Viktar Karankievič i namieśnik hałoŭnakamandujučaha Livijskaj nacyjanalnaj armii hienierał-pałkoŭnik Sadam Chalifa Chaftara, piša sb.by.
Fota: sb.by
Dvuchpaviarchovy budynak raźmiaściŭsia pa adrasie: zavułak Horny, 3.
Stvareńnie abjekta nakiravana na raźvićcio handlovych adnosin pamiž Biełaruśsiu i Livijaj. Jon budzie vykonvać funkcyju centra pryciahnieńnia subjektaŭ haspadarańnia i dziełavych kołaŭ, pradstaŭlajučy placoŭku dla arhanizacyi sustreč i abmierkavańnia kankretnych pahadnieńniaŭ.
Raniej, u mai, padčas vizitu biełaruskaj uradavaj delehacyi ŭ Liviju baki damovilisia ab raźvićci supracoŭnictva pa mnohich napramkach, siarod jakich — pramysłovaść, sielskaja haspadarka i achova zdaroŭja.
Pavodle słoŭ kuratara biełaruska-livijskich prajektaŭ u ahrapramysłovaj śfiery Anatola Linieviča, z adkryćciom hetaha abjekta handlova-ekanamičnyja adnosiny pamiž dźviuma krainami tolki palepšacca.