Džo Bajden zaviaršyŭ kurs pramianiovaj terapii
Były prezident ZŠA zaviaršyŭ kurs pramianiovaj terapii dla lačeńnia ahresiŭnaha raku pradstalnaj załozy, paviedamlaje CBS News.
Džon Bajden. Fota: Susan Walsh / AP
Pres-sakratar Bajdena Keli Skali paćvierdziła, što 82‑hadovy palityk zaviaršyŭ niekalki tydniaŭ lačeńnia ŭ Penn Medicine Radiation Oncology u Fiładelfii.
Dačka 82‑hadovaha Bajdena Ešli apublikavała videa, na jakim były prezident ZŠA zvonić u zvanočak, što simvalizuje zaviaršeńnie kursa lačeńnia. Jana padziakavała miedycynskamu piersanału i adznačyła mužnaść baćki na praciahu ŭsiaho pracesu.
Paśla zaviaršeńnia pramianiovaj terapii daktary buduć aceńvać nieabchodnaść dalejšaha lačeńnia, adznačaje CBS. U vieraśni Bajden taksama pieranios apieracyju pa vydaleńni raku skury mietadam Mosa.