U DAI raskazali pra vyniki pravierak na zapraŭkach paśla abureńnia Łukašenki
Supracoŭnikam DAI nie daviałosia prymianiać miery adkaznaści padčas pravierak z-za stvareńnia čerhaŭ na AZS. Pra heta raspavioŭ načalnik DAI MUS Biełarusi Viktar Rotčankaŭ u efiry telekanała STB.
Fota: «Hrodzienskaja praŭda»
Pavodle słoŭ Viktara Rotčankava, usie apieratary AZS užo viedali, jak pracavać.
— Byli vyviedzieny dadatkovyja rabotniki, jakija raździalili patoki kiroŭcaŭ. Nie było niejkich skapleńniaŭ, čerhaŭ.
U vyniku da adkaznaści pryciahvali tolki ŭ vypadku vyjaŭleńnia standartnych parušeńniaŭ — naprykład, kali niejki kiroŭca pryjazdžaŭ na AZS biez pravoŭ.
Na minułym tydni Alaksandr Łukašenka zapatrabavaŭ ad DAI navieści «žalezny paradak» z čerhami na AZS. Jon patłumačyŭ, što jany ŭźnikajuć nie z-za niedachopu paliva, a z-za taho, što «mašyny pastavili ŭpopierak, nichto prajechać nie moža, a jany ŭ kaviarni kavu pjuć».
DAI adrazu ž pačała pravodzić rejdy.
Čytajcie taksama:
U «Biełarusnafcie» raskazali, jak vyrašajuć prablemu čerhaŭ na AZS
Za kavu aštrafujuć? Jak prachodziać rejdy na zapraŭkach