Aštrafavali za toje, što nakapaŭ piasku

U Žłobinskim rajonie mužčynu aštrafavali za toje, što jon nakapaŭ piasku ŭ lesie. U abjektyŭ fotakamiery, jakuju pastavili leśniki, trapiŭ bampier mašyny. Pa im i vyličyli mužyka.

Fota: Žłobinski lashas

Žłobinskaja rajonnaja hazieta «Novy dzień» paviedamiła, što mužčynu aštrafavali za toje, što jon nakapaŭ piasku ŭ lesie.

Pa słovach namieśnika dyrektara lashasa pa ideałahičnaj pracy Iny Dudaravaj, u vyniku samavolnych dziejańniaŭ była paškodžana hleba na płoščy bolš za 28 kvadratnych mietraŭ, što naniesła škodu navakolnamu asiarodździu na sumu kala 1188 rubloŭ.

Takija dziejańni parušajuć normy Lasnoha kodeksa Biełarusi. Za ich praduhledžana administracyjnaja adkaznaść pa artykule 15.27 KoAP, a taksama abaviazak kampiensavać naniesienuju škodu. Kali ž parušeńnie pryznajuć naŭmysnym, to mohuć prymianiacca i bolš surjoznyja miery.

Ale, viadoma, mnohija ludzi pryzvyčailisia tak kapać. U svoj čas u ludziej dziaržava zabrała ŭsio: i ziamlu, i les. A ciapier i piasku na budoŭlu nakapać nielha. Voś ludzi i kryŭdziacca.

A vy što dumajecie pra heta?

Kamientary da artykuła