Łukašenka prapanavaŭ rasijanam źniać sumiesny film pra Li Charvi Osvalda
Alaksandr Łukašenka prapanavaŭ źniać film pra Li Charvi Osvalda, jaki, jak ličycca, zabiŭ prezidenta ZŠA Džona Kienedzi. Pra heta palityk zajaviŭ na sustrečy z kiraŭnikom Respubliki Mardovija Arciomam Zdunavym, piša BiełTA.
Džon Kienedzi sa svajoj žonkaj Žaklin u limuzinie za niekalki chvilin da stralby, što adbyłasia 22 listapada 1963 hoda ŭ Dałasie. Fota: Wikimedia Commons
Adna z napramkaŭ supracoŭnictva z hetym rehijonam — kinovytvorčaść.
«Vy ŭmiejecie heta rabić. My byli b vielmi zacikaŭlenyja ŭ abmienie dośviedam i kadravaj dapamozie. My vialikuju ŭvahu ciapier nadajem kiniematohrafu. Kino — najvažniejšaje z mastactvaŭ, — skazaŭ Łukašenka. — Viedaju, što jość zaduma źniać, pa-mojmu, šmatsieryjny film pra Osvalda. My byli b u hetym vielmi zacikaŭlenyja i mahli b pradastavić svaje pasłuhi, placoŭku i zaniacca pošukam finansavańnia hetaha, upeŭnieny, najcikaviejšaha filma».
Jak viadoma, Li Charvi Osvald u druhoj pałovie 1950‑ch paprasiŭ prytułku ŭ SSSR i niekalki hod žyŭ u Minsku.
Čytajcie taksama:
60 hadoŭ z zabojstva Kienedzi. Ci moža «Nichto» źmianić kurs historyi?