65‑hadovaj piensijaniercy ź Minska prysudzili čatyry hady za kamientary ŭ internecie
Natalla Vasiljeva ciapier u homielskaj žanočaj kałonii. Pa źviestkach pravaabaroncaŭ, jaje zatrymali 9 maja 2025 hoda.
Natalla Vasiljeva. Fota ź jaje fejsbuka
Natalli Vasiljevaj 65 hadoŭ. Jana piensijanierka. U jaje jość darosłyja dzieci i padrastajuć unuki.
Pa źviestkach pravaabarončaha centra «Viasna», Natallu zatrymali 9 maja 2025 hoda. Sud nad žančynaj adbyŭsia 11 žniŭnia 2025 hoda.
Natalla Vasiljeva. Fota z «Adnakłaśnikaŭ»
Natalli Vasiljevaj prysudzili 4 hady kałonii pa čatyroch kryminalnych artykułach — «raspalvańnie varožaści» (č. 1 art. 130 KK), «abraza Łukašenki» (č. 1 art. 368 KK), «abraza pradstaŭnika ŭłady» (art. 369 KK) i «zakliki da dziejańniaŭ, nakiravanych na pryčynieńnie škody Biełarusi» (č. 3 art. 361 KK).
Pa źviestkach pravaabaroncaŭ, Natallu zatrymali za kamientary ŭ internecie. Ciapier jana ŭ homielskaj žanočaj kałonii.
Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca