Pad Navahrudkam darohu «adramantavali» z dapamohaj bulby

Mužčyna apublikavaŭ videa, źniataje na prasiołačnaj darozie pad Navahrudkam. U svaim roliku aŭtar padzialiŭsia niezvyčajnaj prablemaj — jak jamu prajechać jamu. Adnak jaho chvalavała nie hłybinia vyboiny, a jaje źmieściva, piša Telegraf.news.

Skrynšot ź videa

Na kadrach vidać, što na darozie, prosta ŭ łužynie, byli rassypanyja niekalki miaškoŭ bulby. Mužčyna, jaki źniaŭ videa, zadajecca pytańniami, jak tak vyjšła i što ž ciapier rabić: ci možna prajechać pa rassypanaj bulbie.

«U nas navat jamy na darohach bulbaj zasypajuć», — napisała adna z hladačak. Na što aŭtar rolika paryravaŭ: «Pa-šlachiecku».

Jašče adzin kamientatar paraiŭ «tolki nie źbirać» rassypanuju bulbu, bo za heta mohuć pakarać za kradziež.

Inšaja karystalnica padzialiłasia turbotaj: «Choć by dziki praniuchali, a to zusim prapadziecie».

Kamientary da artykuła