Hiermanija spakojna pastaviłasia da admovy vydać joj padazravanaha ŭ padryvie «Paŭnočnaha patoka»
Ministr zamiežnych spraŭ Hiermanii Johan Vadeful prakamientavaŭ pastanovu polskaha suda, jaki raniej admoviŭ niamieckamu boku ŭ ekstradycyi hramadzianina Ukrainy Uładzimira Ž., jakoha padazrajuć u padryvie hazapravodaŭ «Paŭnočny patok». Zajavu niamieckaha ministra pryvodzić RMF24.
Uładzimir Ž. na sudzie. Fota: PAP/Rafał Guz
Vadeful adznačyŭ, što niamiecki bok pavažaje rašeńnie suda ŭ Polščy.
«U Polščy sudom była pryniataja pastanova, jakuju ja pavažaju, bo my pryznajem pryncyp padziełu ŭładaŭ», — skazaŭ jon.
Ministr dadaŭ, što rola vykanaŭčaj ułady nie zaklučajecca va ŭmiašańni ŭ rašeńni sudoŭ, «asabliva ŭ inšych krainach».
Raniej paviedamlałasia, što Akruhovy sud u Varšavie nie pahadziŭsia vydać padazravanaha ŭ padryvie hazapravodaŭ Uładzimira Ž. niamieckamu boku i admianiŭ jaho časovy aryšt.
Ukrainca Uładzimira Ž. zatrymali ŭ polskim Pruškavie 30 vieraśnia na padstavie niamieckaha jeŭrapiejskaha ordara na aryšt pa spravie ab vybuchach na hazapravodach «Paŭnočnyja patoki». Miarkujučy pa ŭsim, havorka idzie pra Uładzimira Žuraŭlova, ordar na aryšt jakoha Niamieččyna vydała ŭ červieni 2024 hoda.
Čytajcie taksama:
Polski sud admoviŭsia vydavać Hiermanii abvinavačanaha ŭ padryvie «Paŭnočnaha patoka»
Tusk: Polšča nie vydaść Hiermanii aryštavanaha za padryŭ «Paŭnočnych patokaŭ»
U Polščy zatrymali ŭkrainca, jakoha padazrajuć u padryvie «Paŭnočnych patokaŭ»