Cierciel: Z amierykanskim bokam abmiarkoŭvajem biaśpieku ŭ rehijonie
Staršynia KDB Biełarusi Ivan Cierciel pa vynikach narady ŭ Łukašenki, dzie abmiarkoŭvalisia adnosiny z ZŠA, raskazaŭ žurnalistam pra asnoŭny paradak dnia ŭ biełaruska-amierykanskim dyjałohu, piša BiełTA.
Ivan Cierciel. Fota: BiełTA
«Z amierykanskim bokam idzie vielmi surjoznaje abmierkavańnie pytańniaŭ u kiraŭnika dziaržavy. I amierykanskija partniory pryznajuć, što my, znachodziačysia ŭ hetym rehijonie, i naš kiraŭnik dziaržavy, viedajučy abstanoŭku, surjozna možam unosić svoj układ u stabilizacyju situacyi. Tamu hruntoŭnaja razmova pa ŭkrainskaj tematycy. Heta asnoŭny paradak dnia, jaki my abmiarkoŭvajem z amierykanskim bokam.
Druhi napramak — heta biaśpieka ŭ rehijonie. Taksama abmierkavańnie situacyi z amierykanskim bokam. Uzajemaadnosiny i pamiž, umoŭna, krainami, što pradstaŭlajuć asnoŭnyja intaresy Zachadu, i Respublikaj Biełaruś. U roznych śfierach — palityka, ekanomika, inšyja momanty. Hety dyjałoh užo prynios istotnuju karyść dla stabilizacyi situacyi ŭ rehijonie», — skazaŭ kiraŭnik KDB.