Sapraŭdny pałkoŭnik. Prarektaram Hrodzienskaha ŭniviersiteta staŭ vajenkam
Na pasadu novaha prarektara Hrodzienskaha dziaržaŭnaha ŭniviersiteta imia Janki Kupały byŭ pryznačany Viačasłaŭ Ramanienka, były kiraŭnik vajennaha kamisaryjata Hrodzienskaj vobłaści.
Pradstaviŭšy novaha prarektara, rektar HrDU imia Janki Kupały Iryna Kiturka adznačyła vysokija prafiesijnyja i čałaviečyja jakaści Viačasłava Ramanienki, piša «Hrodzienskaja praŭda».
— Viačasłaŭ Uładzimiravič — sapraŭdny pałkoŭnik va ŭsich sensach hetaha słova. Čałaviek, jaki źjaŭlajecca nie tolki talenavitym kiraŭnikom, ale i prosta dobrym čałaviekam. Vielmi adkaznym, vielmi nadziejnym i vielmi dobrasumlennym, — padkreśliła Iryna Kiturka.
Padziakavaŭšy za takija ciopłyja słovy, Viačasłaŭ Ramanienka adznačyŭ, što vielmi rady stać častkaj kupałaŭskaj siamji, budzie rupliva pracavać i nie padviadzie novy kalektyŭ.
Viačasłaŭ Ramanienka prajšoŭ doŭhi šlach ad kursanta da kiraŭnika vajennaha kamisaryjata Hrodzienskaj vobłaści, jakim staŭ u 2015 hodzie.