Siamja z pasiołka Lasny straciła nadzieju na kvateru praz školnicu
Machlary pierakanali dziaŭčynu addać usie siamiejnyja źbieražeńni pad vyhladam dapamohi ŭ dekłaravańni hrošaj. Kurjera, jaki zabraŭ najaŭnyja, zatrymali, paviedamili ŭ Minskim RUUS.
U Baraŭlanski adździeł milicyi Minskaha RUUS źviarnułasia žycharka ahraharadka Lasny. Jana raspaviała, što jaje dačka pad vyhladam dekłaravańnia hrošaj pieradała machlaram 44 000 dalaraŭ i 9 000 jeŭra. Hetyja hrošy siamja adkładała na kuplu kvatery.
— 10 kastryčnika 15‑hadovaj dziaŭčyncy patelefanavali nieviadomyja i pierakanali «zadekłaravać» najaŭnyja, što zachoŭvalisia doma. Machlary jašče i dapamohu svaju prapanavali: hrošy zabiare kurjer i adviazie ŭ adpaviednyja orhany. Dziaŭčyna asabista pieradała kurjeru hrošy. Maci dački daviedałasia pra ździejśnienaje tolki praz dva dni, — raspaviali padrabiaznaści ŭ Minskim RUUS.
Supracoŭniki milicyi zatrymali kurjera, adnak hrošy jon paśpieŭ pakłaści na padadzieny machlarami rachunak kryptakašalka.