Najhoršaje fota za ŭsie časy: Tramp aburyŭsia zdymkam na vokładcy časopisa Time
Prezident ZŠA Donald Tramp vykazaŭ abureńnie z-za fotazdymka na vokładcy časopisa Time, pryśviečanaha jaho roli ŭ mirnym urehulavańni kanfliktu pamiž Izrailem i CHAMAS.
Tramp adznačyŭ, što časopis napisaŭ pra jaho «adnosna dobry artykuł», ale fotazdymak, «mahčyma, najhoršy za ŭvieś čas».
Na vokładcy źmieščana fatahrafija Trampa, zroblenaja źnizu.
«Jany zrabili tak, što maje vałasy «źnikli», i źmiaścili niešta, što łunaje nad majoj hałavoj. Heta vyhladała jak karona, ale vielmi maleńkaja. Vielmi dziŭna!» — napisaŭ Tramp u svajoj sacsietcy Truth Social.
Jon taksama dadaŭ, što nikoli nie lubiŭ zdymkaŭ ź nižniaha rakursu, ale hety zdymak vielmi kiepski, i jaho treba adklikać.