U Krupkach mocny viecier zryvaŭ dachi sa šmatpaviarchovikaŭ
Nad Krupkami siońnia praniośsia mocny ŭrahanny viecier, jaki litaralna zryvaŭ dachi z budynkaŭ, piša «Minskaja praŭda».
Pa infarmacyi śviedkaŭ, prykładna a 16‑j hadzinie paryvy vietru paškodzili dachi jak minimum dvuch šmatpaviarchovych damoŭ — na zavułku Mahistralnym, 7 i na vulicy Čarniachoŭskaha, 17. Śviedki raskazvajuć, što huk tresku byŭ vielmi mocny. Pierad tym nadvorje było zvyčajnym asieńnim — ź lohkim daždžom, a potym raptoŭna ŭźniaŭsia mocny viecier.
Ułady horada prosiać žycharoŭ pa mahčymaści nie padychodzić blizka da paškodžanych budynkaŭ, bo damy ciapier paŭrazabranyja. Namieśnica staršyni Krupskaha rajvykankama Iryna Šabłoŭskaja adznačyła, što administracyja i avaryjnyja słužby ŭžo prystupili da likvidacyi nastupstvaŭ urahanu. Najpierš robicca ŭsio dla biaśpieki žycharoŭ: abharodžvajucca niebiaśpiečnyja zony, časova adnaŭlajecca dachavaje pakryćcie, prybirajucca kanstrukcyi, jakija ŭpali.
Dalej płanujecca adnaŭleńnie infrastruktury i fasadaŭ. Dla hetaha buduć vykarystoŭvacca śpiecyjalnyja padjomnyja miechanizmy i vyški, praca jakich budzie arhanizavana dniom i z ulikam nadvorja, kab zabiaśpiečyć biaśpieku jak rabočych, tak i žycharoŭ. Acenka pamieru škody pravodzicca apieratyŭnymi hrupami.
Čytajcie taksama:
Na niadzielu abvieščany aranžavy ŭzrovień niebiaśpieki z-za mocnaha vietru
U paniadziełak čakajecca mokry śnieh
U Biełaruś pryjdzie daždžlivaje nadvorje, a potym jašče bolš pachaładaje