Zvarščyk ź siabroŭkaj zanialisia seksam dniom prosta pasiarod minskaha parku
Śviedkaŭ u parku «Siamiejnaje dreva» było šmat, u tym liku dzieci. Tamu ŭ pary ciapier prablemy.
Heta zdaryłasia ŭ červieni 2025 hoda. 52‑hadovy zvarščyk adpačyvaŭ z 46‑hadovaj siabroŭkaj. Para valałasia na łužku parku «Siamiejnaje dreva» i vypivała.
Trochi zachmialeŭšy, zakachanyja prama na vačach u inšych ludziej addalisia luboŭnym uciecham. Niechta ź minakoŭ zrabiŭ im zaŭvahu, maŭlaŭ, tut ža adpačyvajuć i dzieci. Ale pary było ŭžo nie da taho, pišuć «Minsk-Naviny».
U vyniku adna z vypadkovych śviedak vyklikała milicyju, zakachanych zatrymali. U prakuratury raskazali, što ŭ zvarščyka ŭžo była pahašanaja sudzimaść. Jaho siabroŭka, jakaja pracuje prybiralščycaj, raniej nie pryciahvałasia. U pary jość ahulnaja dačka.
Na mužčynu i žančynu zaviali spravu ab złosnym chulihanstvie. Im pahražaje ad štrafu da šaści hadoŭ turmy. Da suda paru pakinuli na voli pad padpiskaj.