U Minsku dvoje 13‑hadovych zabrali ŭ baćkoŭ hrošy i pieradali 19‑hadovaj studentcy-jurystcy, što pryjechała ź inšaj krainy
U Biełarusi adbyłasia jašče adna historyja, źviazanaja z telefonnymi machlarami.
Skrynšot videa MUS
Staličnaja milicyja zatrymała 19‑hadovuju zamiežnuju hramadziaku, jakaja prylacieła ŭ Biełaruś pa zadańni machlaroŭ.
U Minsku dziaŭčyna sustrełasia z dvuma 13‑hadovymi školnikami i pryniała ad ich kala 20 tysiač rubloŭ. Padletki byli padmanutyja i napałochanyja złačyncami. Jany dumali, što pieradajuć siamiejnyja źbieražeńni ŭ padatkovyja orhany, kab ich baćkoŭ nie pryciahnuli da kryminalnaj adkaznaści.
Dziaŭčynu zatrymali, kali jana źbirałasia viarnucca na radzimu i pieradać kryminalny ŭłoŭ najmalnikam. Usie hrošy kanfiskavanyja i buduć viernutyja ŭładalnikam.
Adznačajecca, što dziaŭčyna źjaŭlajecca studentkaj jurydyčnaha ŭniviersiteta i vyrazna razumieła, što pracuje kurjeram machlaroŭ. Akramia taho, jana ŭžo vykonvała anałahičnaje zadańnie na radzimie, ale apłatu tak i nie atrymała.