Źjaviacca elektronnyja siertyfikaty CE i CT
U Biełarusi pačynajuć ukaraniać elektronnyja siertyfikaty z vynikami CT i CE. Prajekt nakiravany na pavyšeńnie prazrystaści, nadziejnaści i zručnaści ich atrymańnia i vykarystańnia, paviedamlaje pres-słužba Ministerstva adukacyi
Respublikanski instytut kantrolu viedaŭ maje namier uvasobić prajekt da pačatku pryjomnaj kampanii 2026 hoda.
U vyniku elektronnyja siertyfikaty možna budzie prahladać i spampoŭvać niepasredna ź sistemy «Elektronnaja čarha dla padačy dakumientaŭ pry pastupleńni va ŭstanovu vyšejšaj adukacyi». Pry hetym usie siertyfikaty buduć zavierany elektronnym ličbavym podpisam.
Paviedamlajecca, što pa vynikach vyprabavańnia vykarystańnia elektronnych siertyfikataŭ CE i CT u Minadukacyi płanujuć poŭnaściu pierajści na ich.
Pry hetym u viedamstvie padkreślivajuć, što najaŭnaść elektronnaha siertyfikata nie admianiaje nieabchodnaści padačy papiarovaha aryhinała va ŭniviersitet padčas padačy dakumientaŭ.