11‑hadovuju školnicu z Bresta źbili za parušeńnie praviłaŭ hulni
Supracoŭniki milicyi Bresckaj vobłaści pravodziać pravierku pa fakcie źbićcia školnicy.
Skrynšot videa
Videa, na jakim niekalki padletkaŭ nanosiać udary pa tvary svajoj adnakłaśnicy, raniej raspaŭsiudziłasia ŭ sietcy. Udzielnikami akazalisia vučni adnoj z bresckich škoł va ŭzroście ad 11 da 13 hadoŭ, paviedamlaje bresckaja milicyja.
Heta adbyłosia paśla hulni, za parušeńnie praviłaŭ jakoj prajhraŭšy pavinien byŭ atrymać udar pa tvary.
11‑hadovaja dziaŭčynka parušyła ŭmovy hulni, i na nastupny dzień pierad urokami čaćviora padletkaŭ sabralisia kala doma adnoj z udzielnic, dzie nanieśli joj niekalki ŭdaraŭ, zdymajučy ŭsio na telefon. Paźniej videa akazałasia ŭ adkrytym dostupie ŭ adnoj z sacyjalnych sietak.