Vyjšła kniha pra falkłor biełaruskich staravieraŭ

Vyjšła kniha Volhi Baryšnikavaj «I daŭniej tak pieli: muzyčny falkłor staravieraŭ paŭnočna-zachodniaj Biełarusi». Jana pryśviečanaja muzyčnamu falkłoru staravieraŭ Padźvińnia, paviedamlaje telehram-kanał «De facto. Biełaruskaja navuka».

U knizie — 45 aŭtentyčnych piesień (ich možna pasłuchać u aŭtentyčnym vykanańni), rasšyfroŭki, etnamuzykałahičnyja kamientary na biełaruskaj, ruskaj i anhlijskaj movach. A taksama redkija zapisy hutarak i zdymki, sabranyja albo zroblenyja padčas falkłorna-etnahrafičnych ekśpiedycyj.

Samyja rannija aŭdyjazapisy — z 1963 hoda, a samaja staraja śpiavačka, hołas jakoj možna pačuć u vydańni, — 1890‑ch hadoŭ naradžeńnia. Kniha składajecca z troch raździełaŭ: «Vałačobnyja pieśni», «Krutuchi, charavody, pachaduški», «Liryčnyja pieśni».

Aŭtar knihi — etnamuzykołah, vykładčyk tradycyjnaha śpievu Volha Baryšnikava, uradženka vioski Hiermanavičy Šarkaŭščynskaha rajona.

Kamientary da artykuła