U Viciebsku pravasłaŭny śviatar adkryŭ čarhovuju sietkavuju kramu FOTAFAKT
U Viciebsku adkryli čarhovuju kramu handlovaj sietki «Viesta». Jana ŭ hetym horadzie ŭžo, jak adznačyli na miascovym telekanale, 66‑ja pa liku.
Skrynšot ź videa
Kamientatary pad videa, darečy, pastavilisia da adkryćcia novaj kramy hetaj sietki — a ich u Viciebsku, jak adznačyli ŭ siužecie, užo tracina ad usich, — zbolšaha skieptyčna. Pretenzii vyklikaje litaralna ŭsio — i ŭsiudyisnaść mienavita hetaj sietki, i ceny ŭ ich, i ŭzrovień servisu, i źniešni vyhlad.
Asabliva ž dastałosia pravasłaŭnamu śviataru, jaki byŭ na adkryćci razam z čynoŭnikami:
«A baciuška — siarod pieršych pakupnikoŭ?»;
«A pop tut pryčym, ci heta kasir?»;
«Heta dla pravasłaŭnych krama?»;
«Kali buduć hramadskuju prybiralniu adkryvać, to abaviazkova papa treba paklikać!»;
«Adkryłasia jašče adna krama z božaj dapamohaj»;
«A pop tam navošta? Pradukty aśviačać i čyścić ad nitrataŭ?»;
«A navošta kramu błasłaŭlać, ci dla čaho vy tam śviečki zapalili? Jaje pabudavali ŭ anamalnaj zonie, ci što?»;
«Kali adkryjuć 666‑uju kramu, pryjduć aśviačać?»
Čytajcie taksama:
Stała viadoma, kamu naležyć vytančanaje francuzskaje bistro ŭ Minsku. Vam nie spadabajecca
Na terytoryi Motaviełazavoda stvarajuć novy kvartał z kaviarniami i kramami. Što tam
U Novałukomli adkryli rybny kansiervavy zavod. Kažuć, anałahaŭ pradukcyi ŭ Biełarusi niama