U Breście mužčyna sprabavaŭ spalić dreva, a ledź nie spaliŭ haraž
Paviedamleńnie ab uzharańni haražnaha kaapieratyva pastupiła supracoŭnikam MNS. Prybyłyja ratavalniki likvidavali ahoń, jaki achapiŭ dach haraža.
Mierkavańnie pra toje, što pažar uźnik nie vypadkova, paćvierdzili ekśpierty Dziaržaŭnaha kamiteta sudovych ekśpiertyz.
Jak vyśvietliłasia, uviečary ŭ pamiaškańni haraža sustrelisia dva siabry, jakija vypivali.
Adzin ź ich — 32‑hadovy bieraściejec — płanavaŭ kupić dva susiednija haražy. Adnak dreva, što rasło pobač i karaniami prymykała da ścien pamiaškańniaŭ, nie padabałasia budučamu ŭłaśniku.
Kali znajomy zasnuŭ, jon vyjšaŭ na vulicu i pastaviŭ kala dreva padpalenuju šynu, spadziejučysia, što takim čynam dreva zhareła b. Adnak płanam nie nakanavana było spraŭdzicca. Ahoń chutka achapiŭ dach haraža.