U pojmie raki Łošyca ŭ Minsku znajšli cieła miortvaha mužčyny
Jak paviedamiŭ načalnik RANS Kastryčnickaha rajona Michaił Mikałucki, paviedamleńnie pra znachodžańnie cieła mužčyny siarednich hadoŭ pastupiła ratavalnikam u subotu 4 kastryčnika, u 16:06.
Raka Łošyca. Fota: Wikimedia Commons
Papiarednie viadoma, što pierad trahiedyjaj mužčynu dastaŭlali ŭ Balnicu chutkaj miedycynskaj dapamohi z traŭmaj hałavy. Miedyki akazali jamu nieabchodnuju dapamohu i prapanavali špitalizacyju, ale jon admoviŭsia i pakinuŭ ustanovu, nie paviedamiŭšy pra heta piersanału.
Paśla hetaha mužčyna, vierahodna, nakiravaŭsia ŭ bok haražnaha kaapieratyvu «Łošyca-2», za płotam jakoha znachodzicca stromki schił da pojmy raki.
Usie abstaviny zdareńnia ciapier vyśviatlajucca.