Piensijanieraŭ z arsienałam zbroi i bojeprypasaŭ zatrymali ŭ Mahiloŭskaj vobłaści
U zatrymanych kanfiskavali šeść pistaletaŭ, revalvier, pistalet-kulamiot.
U Mahiloŭskaj vobłaści zatrymali dvuch piensijanieraŭ, jakich padazrajuć u niezakonnym abarocie ahniastrelnaj zbroi, bojeprypasaŭ i vybuchovych prystasavańniaŭ.
Supracoŭniki HUBAZiK śćviardžajuć, što 68‑hadovy žychar Mahiloŭskaj vobłaści niezakonna pradaŭ pistalet Makarava svajmu znajomamu. Pa dadzienym fakcie śledčymi zaviedziena kryminalnaja sprava. Padčas rasśledavańnia vyśvietliłasia, što jahony 71‑hadovy ziamlak taksama zajmaŭsia zbytam i zachoŭvańniem niezarehistravanaj zbroi.
U zatrymanych kanfiskavali šeść pistaletaŭ, revalvier, pistalet-kulamiot, ručnuju askołačnuju hranatu, traciłavuju šašku, składniki zbroi i bolš za 800 bojeprypasaŭ. Pryznačany ekśpiertnyja daśledavańni.