Anatol Kašpiroŭski terminova špitalizavany ŭ Maskvie. Jon ličyć, što ŭžo ničoha nie dapamoža
Jamu stała drenna na fonie raźvićcia ankałohii.
Anatol Kašpiroŭski terminova špitalizavany ŭ Maskvie — pavodle źviestak «Bazy», jamu stała drenna na fonie raźvićcia ankałohii.
86‑hadovamu tełapatu, kultavamu piersanažu telebačańnia ŭ pačatku 1990‑ch patrebny čarhovy kurs terapii, u bližejšyja tydni jon budzie prachodzić lačeńnie.
Kašpiroŭski sprabavaŭ vylečyć siabie sam svaimi mietadami, ale heta nie dapamahło, i situacyja sa zdaroŭjem rezka pahoršyłasia.
Pavodle źviestak «Bazy», tełapat doŭhi čas pakutavaŭ ad bolaŭ u brušnoj połaści, ale admaŭlaŭsia źviartacca da daktaroŭ pa dapamohu. Lačyŭsia sam.
Adnak ciapier jamu rezka stała drenna, i daviałosia terminova jechać u balnicu. U vyniku dyjahnostyki vyśvietliłasia, što jon mocna zapuściŭ ankałahičnaje zachvorvańnie, i paražanych učastkaŭ u brušnoj połaści akazałasia vielmi šmat.
Zaraz pačali pramianiovuju terapiju, ale 86‑hadovy Kašpiroŭski ličyć, što jana ŭžo naŭrad ci jamu dapamoža, piša Baza.