Premjer Francyi padaŭ u adstaŭku. Jon adpracavaŭ mienš za miesiac
Kiraŭnik urada Francyi Siebaśćien Lekarniu padaŭ prezidentu prašeńnie ab adstaŭcy. Emanuel Makron jaho pryniaŭ, paviedamlaje Le Figaro.
Fota: AP
Lekarniu prabyŭ na pasadzie premjer-ministra 27 dzion — heta samy karotki termin u historyi Francyi.
39‑hadovy Lekarniu ŭznačaliŭ urad Francyi 9 vieraśnia, staŭšy piatym premjer-ministram Francyi za dva hady.
Jelisiejski pałac pakul nie paviedamiŭ, chto časova vykonvaje abaviazki kiraŭnika ŭrada.
Z 2022 hoda Siebaśćien Lekarniu zajmaŭ pasadu ministra abarony Francyi i byŭ prychilnikam militaryzacyi krainy na fonie rasijskaha ŭvarvańnia va Ukrainu.