Udaraŭ pa ciahnikach na Sumščynie było dva
Kali była evakuacyja ź pieršaha, Rasija ŭdaryła pa druhim.
Siońnia stała viadoma, što na Sumščynie byŭ atakavany pasažyrski ciahnik.
U Ministerstvie raźvićcia Ukrainy paviedamili, što ŭdaraŭ było dva.
Pieršy trapiŭ u łakamatyŭ pryharadnaha ciahnika Ciareščynskaja — Noŭharad-Sievierski. Kali pačałasia evakuacyja ludziej, vorah paŭtorna atakavaŭ — na hety raz trapili ŭ elektravoz ciahnika Kijeŭ — Šostka.
Niekatorych paranienych užo zabrali ŭ balnicu, inšyja ludzi znachodziacca ŭ schoviščach pad kantrolem ratavalnikaŭ. Jość paranienyja, u balnicu dastavili 8 čałaviek.