Łukašenka pra pracoŭnych mihrantaŭ: Da ich treba stavicca jak da svaich ludziej. Heta ž našy ludzi
Padčas vizitu ŭ Homielskuju vobłaść palityk znoŭ vykazaŭsia pra patrebu zaprašeńnia ŭ krainu pracoŭnych mihrantaŭ, piša BiełTA
Mihranty ź Iraka ŭ minskim aeraporcie ŭ listapadzie 2021 hoda. Ilustracyjnaje fota: Photo by Stringer/Anadolu Agency via Getty Images
Padčas naviedvańnia AAT «Ahra-Laskavičy» Łukašenka pacikaviŭsia, ci chapaje ŭ haspadarcy rabotnikaŭ. Akazałasia, što pryciahvajuć i zamiežnikaŭ — užo pracujuć niekalki čałaviek z Turkmienistana, i jany dobra siabie zarekamiendavali.
Palityk uchvaliŭ taki padychod, ale nahadaŭ, što adkaznaść u pytańni pryciahnieńnia pracoŭnych mihrantaŭ z-za miažy lažyć na kiraŭnikach pradpryjemstvaŭ i arhanizacyj. Jany sami pavinny vyrašać, kaho i kolki nieabchodna pryciahnuć. Pryčym lepš, kab pryjazdžali adrazu siemjami, bo tady i staŭleńnie da pracy, adkaznaść zusim inšyja.
«Da ich treba stavicca, jak da svaich ludziej. I dziaciej navučać, i lačyć ludziej treba. Pravilna robiš. Pa-biełarusku: «Kiń napierad, potym znojdzieš». Tamu treba aryjentavacca, asabliva na našy respubliki (byłoha SSSR). Heta ž našy ludzi», — zajaviŭ jon.