BIEŁ Ł RUS

«U Biełarusi navat ptuški śpiešvajucca». Tyktok skaryła VIDEA vielmi vietlivaj varony

3.10.2025 / 23:1

Nashaniva.com

U tyktoku źjaviŭsia rolik, źniaty na adnoj z daroh Biełarusi. Jaho hałoŭnym hierojem stała vielmi vietlivaja varona, jakaja svaimi pavodzinami prosta skaryła karystalnikaŭ sacsietak, piša vydańnie Telegraf.news.

Skrynšot ź videa

Rolik źniaŭ pasažyr aŭtamabila, jakomu daviałosia prytarmazić pierad piešachodnym pierachodam. Pa im dziełavita kročyła šeraja varona, jakaja, vidavočna, nie šukaje lohkich šlachoŭ.

Zamiest taho, kab pieralacieć prajeznuju častku ŭ niekalki ŭzmachaŭ kryła, ptuška pa niezrazumiełaj pryčynie vyrašyła pierasiačy prajeznuju častku pieški.

«U Biełarusi navat ptuški śpiešvajucca, kali pralatajuć nad piešachodnym pierachodam», — zrabiŭ žartaŭlivuju adsyłku da niadaŭnich źmienaŭ u PDR Biełarusi adzin z hledačoŭ.

Zrešty, bolš za ŭsio kamientataraŭ uraziŭ nie sam fakt taho, što ptuška pa niejkaj adnoj tolki joj viadomaj pryčynie vyrašyła prajścisia pieššu pa «ziebry», a toje, jak jana heta zrabiła.

@kairisk Dažie vorony v Biełarusi… #vorona #biełaruś #pdd ♬ original sound - ⱼₐcₒb

U adzin z momantaŭ varona na dolu siekundy zatrymałasia nasuprać mašyny, što prytarmaziła, i zrabiła vietlivy kniksen, čym i zavajavała sercy hledačoŭ.

«Navat hałavoj kiŭnuła, kštałtu «dziakuj»!» — adznačyŭ adzin z hledačoŭ.

«Jana zrabiła «kniksien», kštałtu «miersi», razumnyja ptuški!», — pachvaliŭ inšy.

«Jakaja važnaja madam — jašče ž i kiŭnuła, ačmureć», — zachapiłasia jašče adna hladačka.

«Toje pačućcio, kali varona mudrejšyja za niekatorych piešachodaŭ», — nie ŭtrymaŭsia ad źjedlivaj zaŭvahi jašče adzin kamientatar.

Čytajcie taksama:

Varona raźbiła škło aŭtamabila ŭ Hrodnie

Varony pamiatajuć kryŭdu 17 hadoŭ

U Hrodnie zaŭvažyli biełuju varonu VIDEA

Akazvajecca, varony ŭmiejuć ličyć. Voś jak navukoŭcy zrazumieli heta

Kamientary da artykuła