U Rasii papularnych błohieraŭ abaviazali pieradavać pravy ad telehram-kanałaŭ botu Raskamnahladu

Rasijski Raskamnahlad nahadaŭ, što pry rehistracyi ŭ śpisie Raskamnahladu i dla atrymańnia markiroŭki «A+» uładalniki bujnych telehram-kanałaŭ, jakija majuć zvyš 10 tysiač padpisčykaŭ, pavinny zapuścić śpiecyjalny bot i dadać jaho ŭ administratary kanała, piša «Mieduza».

U paviedamleńni Raskamnahladu śćviardžajecca, što heta «abaviazkovy etap» rehistracyi. Biez hetaha kroku zajava na rehistracyju «vierniecca z farmalnaj prykmietaj admovy».

«Heta adziny sposab paćviardžeńnia dla Telegram vałodańnia vami kanałam, jaki rehistrujecca. […] Inšaj pracedury paćviardžeńnia vałodańnia kanałam u hetaj sacyjalnaj sietcy niama», — zajavili ŭ viedamstvie.

Pra zapusk telehram-bota @Trustchannelbot dla rehistracyi bujnych tielehram-kanałaŭ u pieraliku Raskamnahlada zajaviŭ 9 krasavika pieršy namieśnik staršyni kamiteta Dziarždumy pa infarmacyjnaj palitycy, infarmacyjnych technałohijach i suviazi Anton Harełkin.

Abaviazkovaja rehistracyja dla administrataraŭ telehram-kanałaŭ dziejničaje z 1 listapada 2024 hoda. Z pačatku 2025‑ha ŭłady Rasii abaviazali sacsietki błakavać staronki, uładalniki jakich nie zarehistravalisia ŭ Raskamnahladzie. Adnak zamiežnyja placoŭki hetaje patrabavańnie nie vykonvajuć.

Kamientary da artykuła