U Polščy biełarusa zatrymali pa padazreńni ŭ vykradańni čałavieka
Polskaja palicyja ŭ horadzie Zakapane zatrymała dvuch mužčyn — biełarusa i palaka. Ich padazrajuć u tym, što jany vykrali 24‑hadovaha žychara Łodzinskaha vajavodstva i trymali jaho jak zakładnika, paviedamlajuć Wiadomości.
Fota: Palicyja Zakapane
Pavodle infarmacyi ŚMI, złačyncy patrabavali ad siamji achviary viarnuć doŭh. Paciarpiełaha źbivali, trymali hałodnym, zakryvali rot zatyčkaj i vazili ŭ bahažniku.
Da apieracyi dałučylisia palicyjanty z Zakapane i Małapolskaha vajavodstva. Jany ŭstanavili aŭtamabil, u jakim znachodziŭsia zakładnik, i kali mašyna spyniłasia kala kramy ŭ miastečku Kaścieliska, miascovyja pravaachoŭniki praviali žorstkaje zatrymańnie.
U aŭtamabili byli 36‑hadovy biełarus, 30‑hadovy palak i sam paciarpieły. Sud vyrašyŭ źmiaścić padazravanych pad vartu na try miesiacy. Im moža pahražać da 25 hadoŭ turmy.