BIEŁ Ł RUS

Sud u Finlandyi vyrašyŭ, što nie maje paŭnamoctvaŭ pa spravie ab paškodžańni tankieram kabielaŭ u Bałtyjskim mory

3.10.2025 / 11:21

Nashaniva.com

Sud u Finlandyi pastanaviŭ, što nie maje jurysdykcyi dla vyniasieńnia prysudu členam ekipaža tankiera Eagle S, abvinavačanym u paškodžańni kabielaŭ suviazi ŭ Bałtyjskim mory, paviedamlaje Frans Pres.

Razhlad spravy pačaŭsia 25 žniŭnia ŭ Akružnym sudzie Chielsinki i zaviaršyŭsia 12 vieraśnia. Prakuror patrabavaŭ dla kapitana, staršaha i druhoha pamočnika kapitana 2,5 hoda pazbaŭleńnia voli pa abvinavačańni ŭ naŭmysnym paškodžańni kabielaŭ. Členy ekipaža admaŭlajuć vinu.

«Niama mahčymaści prymianić u hetaj spravie finskaje kryminalnaje zakanadaŭstva», — pryvodzić ahienctva słovy z pastanovy suda ŭ Chielsinki.

25 śniežnia 2024 hoda zarehistravany na Astravach Kuka tankier Eagle S z rasijskimi naftavymi praduktami na borcie paškodziŭ svaim jakaram finska-estonski elektrakabiel Estlink 2 i čatyry telekamunikacyjnyja kabieli ŭ Finskim zalivie. 20 studzienia 2025 hoda Akružny sud Chielsinki vynies pastanovu ab aryšcie sudna pa pazovie paciarpiełych kampanij. U sakaviku 2025 hoda ŭłady Finlandyi źniali aryšt z tankiera Eagle S i dazvolili jamu vyjści ŭ mora.

Čytajcie taksama:

Kamientary da artykuła