Aeraport Miunchiena nočču prypyniaŭ pracu z-za paviedamleńniaŭ pra bieśpiłotniki
Poźnim viečaram 2 kastryčnika ŭ aeraporcie Miunchiena byli prypynienyja paloty z-za niekalkich bieśpiłotnikaŭ, paviedamiła pres-słužba aeraporta.
Aeraport Miunchiena. Ilustracyjnaje fota Walter Bibikov / Getty Images
U vyniku 17 rejsaŭ nie zmahli vylecieć ź Miunchiena, heta zakranuła amal try tysiačy pasažyraŭ. 15 rejsaŭ, što mielisia prylacieć u stalicu Bavaryi, byli pieranakiravanyja ŭ Štuthart, Niurnbierh, Vienu i Frankfurt.
Niekalki čałaviek paviedamili pra dron kala aeraporta, paźniej źjavilisia paviedamleńni pra bieśpiłotniki nad terytoryjaj aeraporta, piša Der Spiegel.
Pavodle źviestak vydańnia, pošuki bieśpiłotnikaŭ i padazravanych zaviaršylisia biezvynikova. Paviedamlajecca, što ŭ patrulavańni ŭdzielničaŭ palicejski viertalot.
Pavodle źviestak servisu Flightradar, aeraport Miunchiena znoŭ adkryŭsia a piataj hadzinie ranicy pa miascovym časie.